“Cuando nós yeremos vivos, andábemos a figos, agora que somos muertos, andamos per estos güertos”
17:30 Afuracando calabaces [cola collaboración de Reciella, families pol asturianu]
18:30 Charra “La nueche les ánimes na tradición asturiana” [por Alberto Álvarez Peña]
22:00 Rellatos “Nun voi ser quien a dormir” [vamos cuntar hestories ente toes, ¿sabes alguna?]
Concentración a les 20:00 na Plaza L’Umedal (Xixón) en solidaridá coles compañeres anarquistes deteníes güei nos Països Catalans.
Convoca Asturies en Pie!
Vuelve a Asturies el circu monárquicu, y failo como siempre: convirtiendo Uviéu nun estáu policial, desplegando cobertories mediátiques perimportantes, y cualquier otru tipu d’aición propagandística que garantice un eventu cuyu principal enfotu ye llavar la cara d’una monarquía española que sigue perdiendo apoyu y ganando desprestixu.
Dende la Izquierda Soberanista entendemos qu’esta reivindicación tien de ser, -amás de republicana dende la perspectiva del refugu xeneral a cualquier institución monárquica pol so papel impune y antidemocráticu-, asitiada na realidá d’Asturies: esti país xuega un papel destacáu pa la monarquía española, al atopanos dende va sieglos somorguiaos a la denomación institucional de “Principado”. Ésta nun ye otra qu’una institución arcaica y feudal creada en 1388 como consecuencia de les derrotes militares tres delles rebeliones asturianes escontra Castiella, polo que frente a la visión “honorífica” d’esta institución que mos quieren treslladar dende’l poder, alcontramos la realidá: una figura institucional que simboliza la sumisión d’Asturies, y que ye imprescindible pa la propia esistencia del modelu monárquicu.
Poro, el nuesu enfotu nun ye namái oponenos a estes cuestiones, sinon esparder l’alternativa tresformadora y sollerte a los intereses soberanos del pueblu asturianu: la República Asturiana. Porque hai alternativa a la sumisión política y económica total na que s’alcuentra Asturies; a l’aculturización que carecemos y que va implícita na propia naturaleza del proyeutu nacional español; y por supuestu, a la represión, les desigualdaes sociales, o la falta de trabayu y futuru dignu, que sufren les clases populares asturianes.
A fin de cuentes, vemos tanto los Premios Princesa como la monarquía española y les sos instituciones impuestes n’Asturies, como un frente más nel que siguir treslladando la necesidá de soberanía, de poder popular, como ferramienta y camín pa tresformar el nuesu país, cuntando col internacionalismu y la solidaridá de clase, pero ensin dexar de llau tampoco una praxis qu’atienda a la realidá específica d’esti país.
Los Premios Princesa y el “Principado” son una humildación pal nuesu pueblu, una humildación impuesta y financiada con dineru públicu, cola que’l pueblu asturianu tien qu’acabar. Asina lo entendimos siempre dende la izquierda soberanista asturiana, como amuesen les movilizaciones pioneres nel nuesu país escontra los Premios Príncipe entamaes pol Ensame República Asturiana años atrás Por too ello, llamamos a la participación nel bloque soberanista que va conformase na concentración del día 23 d’ochobre, escontra la monarquía y pola República Asturiana.
REPÚBLICA ASTURIANA
@[null:@[null:#LLUCHANDOPOLASOBERANÍA]]
https://www.facebook.com/events/919841761429826/
[Darréu] http://mocedarevolucionario.blogspot.com.es/2015/10/la-moceda-escontral-circu-borbonicu.html
[XEA] https://www.facebook.com/permalink.php?story_fbid=1641883912743505&id=1398446437087255
Énte otra nueva edición de los premios otorgaos pola “Fundación Principe de Asturias” col so avezáu pasucais y besamanos de vasallaxe, dende Asturies ye preciso dexar bien claro que non sólo nun queremos ser súbditos de nengún rei, sinón que tampoco aceptamos el Principado, como institución antidemocrática impuesta.
Dende va una partida d’años vienen desendolcándose protestes escontra la visita “real” a Asturies, un montaxe añal que pretendía llexitimar y dulcificar la figura del príncipe Felipe, anguaño rei y xefe del estáu ensin que naide lu escoyera, al arrodiar a un monarca de figures, en dellos casos, de renome, y n’otros, de mui duldosa calidá política y humana.
Poro, facemos un llamamientu a conceyu abiertu a tola xente interesao en participar nuna nueva protesta escontra los Premios Princesa de Asturias (qu’esti añu son el 23 d’ochobre) pa organizar otru bloque soberanista na mesma como venimos faciendo en munches de les movilizaciones de los últimos meses.
El conceyu va celebrase esti xueves 9 d’ochobre a les 19:30 nel Llar La Llegra (Postigu Baxu 40, Uviéu)
Nin príncipes, nin princeses, nin principados, nin cuentos.#LluchandoPolaSoberanía, pa tresformar Asturies d’abaxo a arriba.
https://www.facebook.com/events/1664255923842562/
“Moyando’l culu” ye una tira de prensa braniega de humor blancu, escrita en llingua asturiana na que los protagonistes son una reciella de neños y neñes de 7 años más o menos, n’Asturies mientres les vacaciones de branu. La tira tien un envís positivu y vital qu’intenta espeyar la diversidá de neños y neñes qu’hai anguaño. Ta dirixía a tolos públicos.
La edición del llibru foi posible gracies a la collaboración de los llectores col autor cola reserva de los llibros antes de que les tires salieren a la lluz.
Ruma Barbero ye un dibuxante reconocíu por obres d’ésitu como les famoses tires de “La Familia Castañón”, les editaes en formatu dixital “Aguantando Cachones” o la so novela gráfica “La Chelita. El Salvador 1992”, amás de ser miembru fundador del grupu Felpeyu.
Esti día vamos tener la oportunidá de charrar con él sobre la so obra, amás de recibir les sos recompenses quien les tuviera encargaes y mercar equí mesmu el llibru quien entá nun lu tenga.
El xueves 1 a les 19:00 nel Llar La Llegra (Postigu Baxu 40, Uviéu)
Espaciu La Llegra 