Monthly Archives: Mayu 2015

Charra antirrepresiva #PreguntarNoEsDelito

El pasáu 17 de febreru de 2014 el Presidente de la Comunidá de Cantabria, Ignacio Diego, visitaba la Universidá de Cantabria pa participar nun actu que, sol títulu “Tengo una entruga pa vusté”, espublizábase como “un momentu escepcional pa plantegar al presidente de la Comunidá les nueses reflexones y moliciones, y un exerciciu de tresparencia”.

El colectivu Estudiantes en Defensa de la Educación Pública (EDUP), considerando al Presidente responsable cimeru de los retayos que precaricen, mercantilicen y eliticen la Universidá y la educación de Cantabria polo xeneral nos últimos años, entamó una protesta. A ella allegaren aquel llunes unes 40 persones con diverses sensibilidaes que nun pudieren manifestase siquiera no coincidente col teóricu plantegamientu del actu, por cuenta de que la seguridá privada instalose nos accesos al edificiu universitariu y, siguiendo ordes, vetó l’accesu de forma tan seleutiva que l’actu celebrose nuna sala mediovacía col dirixente políticu acompañáu de periodistes y les mocedaes del so partíu.

Una vegada Ignacio Diego abandonara l’actu pela puerta de tras nel so coche oficial, ún de los sos escoltes, actuando d’una forma desproporcionada dafechu, afrellaba a dos mozos gratuitamente, provocando una puchada del restu y l’intervención de la Policía, que respondió al requerimientu d’identificación del agresor identificando a un mozu que taba grabando lo asocedío.

Como los medios fixeron ecu del desenvolvimientu del actu “nuna sala prácticamente vacía”, col accesu negáu ensin mediar esplicación” y los estudiantes “denunciando agresiones de la escolta del Presidente”, el Gobiernu punxo la maquinaria del poder a funcionar pa da-y la vuelta a los fechos, pidiendo “la condena” del comportamientu violentu”, de “unos pocos” “ayenos a la universidá” que “nun pueden soportar la victoria del Partíu Popular nin l’induldable ésitu de la so xestión”, en palabres del conseyeru Miguel Ángel Serna. Pela so parte, l’informe de los escoltes, que resultaron ser Policías Nacionales, llega a señalar que “en tou momentu la xente que s’atopa nel llugar intenta cutir a la personalidá [Ignacio Diego]”, amás d’a los coches oficiales, que sufrieron “golpes y pataes” y allos mesmos: “golpes y emburriones”. 12 mozos fueron por ello imputaos, pudiendo sufrir fuertes multes y condenes de prisión.

En protesta pola discriminación y represión carecía aquel día na Universidá, en defensa de llibertaes y derechos fundamentales como la Educación, asinca como pa defendenos de la sinrazón policial y xudicial, imputaes, estudiantes y solidaries empecipiemos la campaña #PreguntarNoEsDelito.

https://www.facebook.com/events/840200262684505/

Día’l Bollu

Esti martes 26 ye día de folixa n’Uviéu, asina qu’a partir de les 13:00 , nós vamos arimanos hasta’l Campillín pa disfrutar del Día’l Bollu, ellí vamos tener xuegos tradicionales y habrá dalguna gaita.

Dempués de pasar el día vamos charrar sobro cómo desendolcar actividaes conxuntes nel barriu ente tolos espacios que lu aliten. ¡Hai que da-y vida’l barriu!

Trae xinta y bébora y ven a pasar el día con nosotres!
https://www.facebook.com/events/1629340040634962/

————————————
Güei un piñu de persones d’espacios comunitarios del Uviéu antiguu aconceyamos pa xintar el bollu preñáu nesta fiesta uvieína y aldericar sobre’l barriu, actividaes conxuntes y proyeutos comunitarios. Participación de les vecines y espacios públicos pal pueblu! ¡Yá vos cuntaremos d’equí pa poco!
bollu.jpg

Concentración 25 de mayu: “1808-2015: Asturies Enxamás Vencida”


Esti llunes 25 de mayu, a les 19.30h facemos un llamáu a nun escaecer, a salir a la cai y defender, 207 años depués del llevantamientu de 1808, la soberanía popular asturiana pa camudalo too.

En 1808, tres de la invasión francesa, prodúcense unos fechos qu’algamen el calter de revolucionarios nel nuesu país.

La Xunta Xeneral declararáse soberana, declara la guerra al imperiu económicu y militar de la so dómina, Francia, unvía embaxadores asturianos a Inglaterra y crea la bandera asturiana y l’Exércitu Defensivu Asturianu. Y pa que pasaren estos fechos hestóricos, el puxu popular nes cais foi determinante: mesmo cola participación de dos muyeres, Xuaca Bobela y Marica Andayón, como de los estudiantes de la Universidá.

Pero nun hemos quedar namás na alcordanza y na señaldá. Hemos d’anovar y siguir dotando de conteníu y de sentíu a esta fecha y a l’Asturies que nos arrodia güei, en 2015.

Vivimos l’Asturies del paru, de la emigración forciao que dexa’l país ermu, de la reconversión industrial permanente, de la falta de derechos coleutivos ya individuales. Vivimos l’Asturies del autoodiu, de la negación y ridiculización de lo propio, de la desapaición de los seutores productivos clásicos del país, del patriarcáu que se ceba cola metá del nuesu pueblu. L’Asturies de los desagospios, de los EREs y de los puestos de trabayu cada vegada más precarios, de la sanidá y educación cada vuelta más deterioraes y en peores condiciones mesmo pa trabayadores y usuarios/es. L’Asturies de la especulación urbanística y la depredación xabaz del país, de la recapitalización de la banca, de la corrupción y les redes clientelares, del despoblamientu del mundu rural. L’Asturies que pasa frío porque nun pue pagar la enerxía que se produz a espuertes.

Pero énte esti panorama tamién hai otra Asturies. La que llucha, la que fala nes sos llingües, la que caltién espacios populares. L’Asturies que ta na cai, la que se moviliza escontra la represión, la que s’auto-organiza en coleutivos de trabayadores escontra los despidos. La que ye heriede de la memoria y la resistencia popular na llarga nueche del franquismu. La que defende’l territoriu y apuesta por que les que colaron tornen y les que tán equí nun tengan que colar. La que mira por un modelu productivu propiu, axeitáu con procuru al nuesu mediu ambiente. La que cree en redes de consumu cercanu. La qu’apuesta por multiculturalidá ya intercambiu y non pola imposición aculturizadora. La que quier trabayar pa vivir y non vivir pa trabayar. L’Asturies que quier otra Asturies.

L’añu pasáu, tres d’entamar la dinámica abierta de bloques unitarios soberanistes en movilizaciones, convocáremos una concentración énte la Xunta Xeneral que, cola sida de ser xornada de reflexón, foi prohibida pola xunta eleutoral central. Nada más exemplificante de la situación na que ta esti país.

Agora, como en 1808, tócanos llamar a conceyu. Tócanos ser la Xuaca Bobela, la Marica Andayón y los estudiantes de 1808 de la nuesa dómina. Tócanos emburriar pola soberanía popular asturiana. Pa camudalo too.

El 25 de mayu,

¡Asturies Enxamás Vencida!

¡Puxa Asturies llibre!

https://www.facebook.com/events/1391982054464648/
[Darréu] http://mocedarevolucionario.blogspot.com.es/2015/05/1808-2015-la-moceda-sigue.html
25m

Esti llunes 25 de mayu, a les 19.30h facemos un llamáu a nun escaecer, a salir a la cai y defender, 207 años depués del llevantamientu de 1808, la soberanía popular asturiana pa camudalo too.

**En 1808, tres de la invasión francesa, prodúcense unos fechos qu’algamen el calter de revolucionarios nel nuesu país. 

La Xunta Xeneral declararáse soberana, declara la guerra al imperiu económicu y militar de la so dómina, Francia, unvía embaxadores asturianos a Inglaterra y crea la bandera asturiana y l’Exércitu Defensivu Asturianu. Y pa que pasaren estos fechos hestóricos, el puxu popular nes cais foi determinante: mesmo cola participación de dos muyeres, Xuaca Bobela y Marica Andayón, como de los estudiantes de la Universidá.

**Pero nun hemos quedar namás na alcordanza y na señaldá. Hemos d’anovar y siguir dotando de conteníu y de sentíu a esta fecha y a l’Asturies que nos arrodia güei, en 2015.

Vivimos l’Asturies del paru, de la emigración forciao que dexa’l país ermu, de la reconversión industrial permanente, de la falta de derechos coleutivos ya individuales. Vivimos l’Asturies del autoodiu, de la negación y ridiculización de lo propio, de la desapaición de los seutores productivos clásicos del país, del patriarcáu que se ceba cola metá del nuesu pueblu. L’Asturies de los desagospios, de los EREs y de los puestos de trabayu cada vegada más precarios, de la sanidá y educación cada vuelta más deterioraes y en peores condiciones mesmo pa trabayadores y usuarios/es. L’Asturies de la especulación urbanística y la depredación xabaz del país, de la recapitalización de la banca, de la corrupción y les redes clientelares, del despoblamientu del mundu rural. L’Asturies que pasa frío porque nun pue pagar la enerxía que se produz a espuertes.

**Pero énte esti panorama tamién hai otra Asturies. La que llucha, la que fala nes sos llingües, la que caltién espacios populares. L’Asturies que ta na cai, la que se moviliza escontra la represión, la que s’auto-organiza en coleutivos de trabayadores escontra los despidos. La que ye heriede de la memoria y la resistencia popular na llarga nueche del franquismu. La que defende’l territoriu y apuesta por que les que colaron tornen y les que tán equí nun tengan que colar. La que mira por un modelu productivu propiu, axeitáu con procuru al nuesu mediu ambiente. La que cree en redes de consumu cercanu. La qu’apuesta por multiculturalidá ya intercambiu y non pola imposición aculturizadora. La que quier trabayar pa vivir y non vivir pa trabayar. L’Asturies que quier otra Asturies.

**L’añu pasáu, tres d’entamar la dinámica abierta de bloques unitarios soberanistes en movilizaciones, convocáremos una concentración énte la Xunta Xeneral que, cola sida de ser xornada de reflexón, foi prohibida pola xunta eleutoral central. Nada más exemplificante de la situación na que ta esti país.

Agora, como en 1808, tócanos llamar a conceyu. Tócanos ser la Xuaca Bobela, la Marica Andayón y los estudiantes de 1808 de la nuesa dómina. Tócanos emburriar pola soberanía popular asturiana. Pa camudalo too.

El 25 de mayu,

¡Asturies Enxamás Vencida!

¡Puxa Asturies llibre!
25m2015

Presentación de ‘CALEYA SÉSAMU’ por Damián Barreiro

El periodista Damián Barreiro va presentar el so últimu ensayu “Caleya Sésamu. El papel de la televisión na tresmisión interxeneracional d’una llingua”, obra ganadora del XX Premiu Máximo Fuertes Acevedo d’Ensayu. Na presentación va tar acompañáu por Xune Elipe Raposo, vocalista de Dixebra y responsable de Goxe Producciones.

“En cualquier escuela asturiana puede comprobase que Mickey Mouse ye más famosu que Pelayo; que Dora the Explorer tien más devotos que la Santina; y qu’hai más xente que conoz les aventures de Pocoyó que les de Gonzalo Peláez. Agora los mitos que se deprienden son los que salen na televisión. Hai neños asturianos que nun saben lo que ye un trasgu, un busgosu o una xana, pero son quien a dicir de corrío tolos personaxes de la serie Digimon”.

Damián Barreiro (A Estrada, Pontevedra, 1984) ye llicenciáu en Periodismu pola UPV/EHU. Depués de formar parte de la plantiya del selmanariu Les Noticies y del diariu dixital Asturies.com, collaboró con otros medios de comunicación, como la Televisión Local de Xixón, el periódicu Diagonal Asturies, les revistes Atlántica XXII, Anuariu de la Música Asturiana o Vértigü, amás del diariu La Nueva España na so sección «Escolinos». Nel añu 2013 ganó’l Premiu d’Ensayu «Fierro Botas», convocáu pol Conceyu de Xixón, y en 2014 el d’Investigación Llingüítica de l’Academia de la Llingua Asturiana.
https://www.facebook.com/events/974647069242933/

Folixa/Conciertu del Día de les Lletres nel Llar La Llegra

Esti vienres dempués de la manifestación pola Oficialidá y del actu de l’Academia de la Llingua Asturiana, facemos folixa nel Llar La Llegra!

De 22.00 a 00.00 va haber musiquina, ambientín, chigre con precios populares y música en directo.

Dos componentes de FUXIDA (grupu asturxaponés asitiáu en Nueva York qu’amesten música asturiana y xaponesa) van tocar per primer vega n’Asturies en formatu gaita y guitarra. https://www.youtube.com/watch?v=IGy4YBzM33o

L’actuación ye llibre; asina que si a daquién apetez-y traer un instrumentu y tocar, que s’arrime pel Llar La Llegra.
https://www.facebook.com/events/1074148175946333/

Bloque soberanista na Manifestación pola Oficialidá

Un Día de les Lletres más el Pueblu Asturianu va salir a la cai pa reivindicar los nuesos derechos llingüísticos como falantes d’asturianu y gallego-asturiano, ante una situación na que siguimos sufriendo un procesu d’aculturación y uniformización qu’amuesa imprescindible avanzar nel camín de la soberanía.

Dende les instituciones de gobiernu d’Asturies, les fuercies con representación siguen dando la espalda, per aición u omisión, a un derechu básicu que nun se ve reconocíu, viéndose les nueses llingües propies amenorgaes y marxinaes acaldía nos medios de comunicación públicos, na alministración, nel sistema educativu, y en cualquier otra estaya pública.

De la mesma forma, polítiques impulsaes direutamente dende’l gobiernu central, afonden na uniformización llingüística y cultural, como ye’l casu de la LOMCE, o’l tratu discriminatoriu pa coles nueses llingües en toles cuestiones de la so competencia.

Tenemos unes llingües minorizaes, y una falta clara de derechos nesti tarrén, que nun ye sinon un reflexu de la falta de capacidá real de decisión del Pueblu Asturianu en cualquier estaya: quítenmos derechos llaborales, sociales, retayen la llibertá d’espresión, nieguen cualquier posibilidá a los pueblos pa decidir el so futuru en materies como l’autodetermín o’l modelu socioeconómicu, y nel nuesu casu, amás discrimínenmos por falar nes nueses llingües.

Poro, l’únicu camín ye la llucha pola oficialidá y un procesu de normalización afayaízu, como una de les espresiones na llucha por una Asturies xusta y llibre a reivindicar y construyir ente toos y toes, en tolos frentes.

—————————————————————–

Un Día das Lletras máis el Poblo Asturiano vai salir á caye pra reivinicar os nosos deretos llingüísticos como falantes d’asturiano y gallego-asturiano, ante úa situación na que siguimos sufrindo un proceso d’aculturación y uniformación qu’amostra qu’é imprescindible avanzar nel camín da soberanía.

Dende as institucióis de goberno d’Asturias, as forzas con representación siguen dando as costas, por acción ou omisión, a un dereto básico que nun se ve reconocido, véndose ás nosas llinguas propias minorizadas y marxinadas cadaldía nos medios de comunicación públicos, na administración, nel sistema educativo, y en colquera outra estaxa pública.

Da mesma forma, políticas impulsadas directamente dende el goberno central, afondan na uniformación llingüística y cultural, como é el caso da LOMCE, ou el trato discriminatorio pra coas nosas llinguas en todas as cuestióis da súa competencia.

Temos úas llinguas minorizadas, y úa falta clara de deretos neste tarrén, que nun é sinón un reflexo da falta de capacidá real de decisión del Poblo Asturiano en colquera estaxa: quítannos deretos llaborales, sociales, recortan a llibertá d’espresión, negan colquera posibilidá a os poblos pra decidir el sou futuro en materias como el autodeterminación ou el modelo socioeconómico, y nel noso caso, ademáis discrimínannos por falar nas nosas llinguas.

Por eso, el único camín é a lluita pola oficialidá y un proceso de normalización amañoso, como úa das espresióis na lluita por úa Asturias xusta y llibre a reivindicar y construir entre todos y todas,en todos os frentes.
https://www.facebook.com/events/827096770707465/

https://www.facebook.com/events/843429275694750/?ref=1&feed_story_type=308&action_history=null

[Darréu] http://mocedarevolucionario.blogspot.com.es/2015/05/nel-dia-de-les-lletres-y-nos-otros-364.html
[XEA] http://xuntaestudiantil.blogspot.com.es/2015/05/asturies-merez-respetu-oficialida.html
[Conceyu Abiertu] http://conceyuabiertu.org/index.php?option=com_content&view=article&id=350%3Alluchandopolasoberania-y-la-oficialida&catid=16%3Anoticies&Itemid=64&lang=es

Bloque soberanista nel 1º de Mayu


Esti 1º de Mayu la clase obrera asturiana torna a salir a la cai pa reafirmase como tal y siguir lluchando escontra les problemátiques que sufre a diariu: paru, precariedá, emigración, represión, desigualdá corrupción… en definitiva, faise imprescindible siguir lluchando pola nuesa dignidá presente y futura.

Como resultáu del conceyu abiertu desarrolláu nel Llar La Llegra el pasáu 16 d’abril, decidióse la convocatoria d’un nuevu bloque soberanista na manifestación que CSI, CGT y SUATEA entamen el Primeru de Mayu a les 12:30 con entamu na Plaza L’Humedal de Xixón. Ye esti un nuevu bloque de la dinámica #LluchandoPolaSoberanía, que nel últimu añu vien axuntando a estremaes sensibilidaes, persones y organizaciones de la izquierda soberanista en manifestaciones obreres, pola oficialidá, antitaurines, feministes, republicanes…

Poro, faise un llamáu a participar l’ 1 de Mayu nel bloque soberanista, entendiendo que’l camín pa la clase obrera asturiana va venceyáu a la llucha pola soberanía pal nuesu pueblu, pa poder decidilo too, pa conquistar un futuru dignu de toes y pa toes.

¡Puxa la llucha de la clase obrera!
¡Puxa’l 1º de Mayu!
https://www.facebook.com/events/1428601450775936/

[XEA] http://xuntaestudiantil.blogspot.com.es/2015/04/la-xea-llama-participar-nel-bloque.html

[Darréu] http://mocedarevolucionario.blogspot.com.es/2015/04/darreu-llama-participar-el-1-de-mayu.html

[Conceyu Abiertu] https://www.facebook.com/events/1428601450775936/permalink/1429568760679205/?ref=1&action_history=null