Monthly Archives: Xineru 2016

Gaspar García Laviana, ensin escaezu

12509360_1023856584343202_6717581864409165471_n

José Lobo, sacerdote nacíu en Nembra (Ayer) conoció, gracies al so llabor como misioneru, les miseries del pueblu nicaragüense, llevándolu esto a implicase na so llucha, principalmente pola tierra. Na so estancia coincidió col tamién asturianu Gaspar García Laviana, que, dando un pasu más, sumóse a la guerrilla del Frente Sandinista de Liberación Nacional (FSLN).

LLUNES 25 – 19:00

– Charra José Lobo, compañeru de llucha de Gaspar
– Proyeición del documental “Tierra de Guerrilleros” (Amanda Castro)

Comandante Martín, mamando de les llamuergues y la neblina d’Asturies metiste les tos manes so la tierra sandinista, te llevare a onde te llevare. Allumáu pol campesináu, saborgando la so llucha como la to llucha, fuiste exemplu ensin buscalo, fuiste guerrillero ensin nenguna patria pero cola llume de toes.

Remembrámoste col to pensamientu:

“Cuando muerra,
nun quiero que solluten mentires
les sanixueles del pueblu

Yo vi les sos llárimes
Consolando les viudes de los campesinos
Pa llueu matales
De fame
Y vi matar a los líderes de los probes
– probes como ellos
Pa llueu lloralos nos entierros suntuosos
Yo vi a los trabayaores sufrir accidentes
Por falta de seguridá
Yo vi les cares d’estos perros gordos murnios,
vi les sos llárimes salaes,
y vilos más tarde
rematalos,
cola fame y el despíu,
rematalos a pataes
Como a perros flacos
Non, ¡que nun me lloren ellos!”

Prensa: http://www.lne.es/oviedo/2016/01/26/ecos-cura-guerrillero/1873654.html
Grabación: http://www.ivoox.com/gaspar-garcia-laviana-ensin-escaezu-jose-lobo-audios-mp3_rf_10202613_1.html

Disponible periódicu Asturies

Yá ta disponible nel Llar La Llegra la tercer edición del periódicu amigu Asturies.

Podéis consultalu online https://m.facebook.com/Asturies-103006213382693/

Y si queréis consultalu nel futuru queda na biblioteca del llar xuntu con otres publicaciones

“MEMORIA Y OLVIDO EN LA QUINTA DE PEDREGAL”, de Pablo Martínez Corral [Presentación]

12494940_1022888277773366_4522771333912824713_nPablo Martínez Corral, militante de la CSI, mayestru, historiador ya investigador de la Memoria Histórica, vien de terminar esti trabayu imprescindible pa pescanciar una faza de la hestoria d’Avilés, que dalgunos pretendíen siguir escondiendo.

D
exámosvos con unes pallabres de Pablo:

“Hubo un tiempu de silenciu alrodiu la Quinta Pedregal, un tiempu de tabúes, solombres y alcordances entecortaes pola llercia. Con esti trabayu pretendo apurrir lluz sobre ún de los momentos más tráxicos de la nuesa hestoria. Son munches les motivaciones que me llevaron a espublizar esta investigación. Una d’elles ye recuperar la hestoria de los desapaecíos y desapaecíes na Comarca d’Avilés, a quien la Hestoria-yos róbo’l so espaciu, y ta dedicada a los sos familiares, quien fueron castigaos con eternu llutu de silenciu. Son munchos y munches les que m’aidastis, a toos y toes munches gracies”.

El xueves 21 a les 19:00 esperámosvos nel Llar La Llegra (cai El Postigu Baxu 40, Uviéu)

https://www.facebook.com/events/889006801213769/

[Disponible a la venta na tiendahttps://espaciulallegra.wordpress.com/2013/02/01/memoria-y-olvido-en-la-quinta-pedregal-10e/]

Gonzalín

Dende´l Llar La Llegra, queremos amosar la nuesa murnia pol fallecimientu de Gonzalín, compañeru de la CSI, lluchador y comprometíu cola causa de la clas obrera asturiana. Exemplu de dignidá, constancia y llucha diaria. Gonzalín, nel nuesu coral hai un sitiu pa tí. Nun vamos escaezete.

¡Que la tierra te seya lleve!

I Conceyón Abiertu de La Llegra

12469526_1025042957557898_2392728537530262964_o

El sábadu 16 de xineru, nuna xornada de día completu, el Llar La Llegra va acoyer el I Conceyón Abiertu de La Llegra, nel que vamos aldericar sobre l’actividá que venimos desendolcando dende’l coleutivu dende l’entamu de la nuesa andadura.

Queremos que seya un día pal alderique posáu, abiertu y participativu, que venga precedíu d’unes ponencies nes que valoremos aciertos y errores nel proceder d’estos meses, mesmo nel Llar La Llegra d’anguaño como nel llocal del estintu CSOA La Madreña.

La Llegra solicitó nel so día’l sofitu de persones y coleutivos pa echar a andar nesti nuevu espaciu, cuntando col sofitu de más de 150 persones. Agora, meses depués, abrímonos a la vuestra crítica y aportaciones pa siguir medrando tantu como espaciu físicu como espaciu políticu pal soberanismu asturianu.

PROGRAMA:

I Conceyón Abiertu de La Llegra
Bloque I: Una güeyada p’atrás: (dende les 10.00h hasta les 14h)
1- Valoración d’actividaes dende l’entamu de La Llegra nel CSOA La Madreña.
(de 10.30h a 11.15h)
Apórtase:
a. Resume d’actividaes.
b. Clasificación de les actividaes por temátiques.

2- Valoración del trabayu políticu fechu por La Llegra como coleutivu. ¿Qué aportó a Asturies l’apaición d’un espaciu físicu y políticu como La Llegra? ¿Qué podría ameyorar?
(de 11.20h a 12h)

a. Aportación como espaciu políticu a lo yá esistente n’Asturies (8S, 25M, AeP…)
b. Importancia del espaciu físicu (barriu, actividades…)
c. Relevancia pa la izquierda soberanista (bloques, medra militante, visibilidá…)

3- Valoración del trabayu militante en La Llegra.
(de 12.05h a 13h)

a. Participación y democracia interna, conceyos…
b. Participación na organización d’actividaes.
c. Xestión física del espaciu (llimpieza, obres, díes d’apertura…)
d. Roles de xéneru.

4- Valoración económica de La Llegra.
(de 13.05h a 13.50h)

a. Balance económicu.
b. Fontes de financiación (barra, socies, ¿otros materiales?)

PARADA PA XINTAR DENDE LES 14H A LES 16H.

Bloque II: Alternatives, nueves espectatives y alderique (dende les 16h. a les 20h)

1- Modelu d’actividaes: ¿caltener o camudar? ¿Temátiques, intencionalidá-necesidá, difusión, grabación?
(de 16h a 16.45h)

2- Modelu de xestión: ¿siguir asina o camudar coses?
(de 16.50h a 18.30h)

a. Horarios d’apertura.
b. Difusión d’actividaes (prensa, cartelería…)
c. Modelu d’aconceyamientos.
d. Temporalización d’actividaes / calendarios.
e. Repartir el trabayu n’estayes (llimpieza, apertura, pagos, proveedores, xestión de cuentes online…)
f. Nueves financiaciones, modelos de financiación alternativos…
g. Posición énte actividades que nun seyan de baldre.
h. Posibilidá de lliberar a persona pa xestionar el Llar.

3- El proyeutu políticu de La Llegra. ¿A ónde tien que dir? ¿Pa qué fai falta La Llegra?
(de 18.35h a 19.45h)

a. Nel Barriu, ciudá, conceyu, país y mundu.
b. A nivel de movimientu (izquierda soberanista)

Bloque III: Conclusiones (de 19.45h a 20h)
Llectura y organización pa posterior espublización.

PIESLLE DEL I CONCEYÓN ABIERTU DEL LLAR LA LLEGRA.

*Permítense aportaciones previes (mail espaciulallegra@gmail.com,mensaxes per FB etc…)

https://www.facebook.com/events/186614211688495/

 

 

Proyeición: SIEMPRE GUERRILLERO. Felipe Matarranz. ( Capitán Llobu )

Felipe Matarranz (conocíu como capitán Llobu) foi un destacáu guerrilleru que tres la incivil guerra nel estau español siguió lluchando nos montes de los Picos d’Europa, ente Asturies y Cantabria, formando parte de la Brigada Machado..

A puntu de cumplir 98 años cunta, equí, dalguna de les sos alcordances que comparte con vecinos del pueblu de La Borbolla, en Llanes, qu’espliquen, nesti curtiu-documental,
cómo víen na so infancia a “los emboscaos”, a los del monte, a los guerrilleros a quien va dirixíu esti pequenu homenaxe…

https://www.facebook.com/events/914280242001572/

Presentación Abellugu, N´Asturies suena otru camín

Abellugate
Tamos entamando un procesu p’abellugar xente que quiera lluchar por Asturies. Nun somos un partíu políticu, nin una coalición d’ellos. Aniciamos Abellugu pa recuperar Asturies pa los asturianos, dende’l Pueblu y pal Pueblu.
Tenemos una fueya en blancu y queremos enllenada de milenta propuestes contigu.

www.abellugu.org

https://www.facebook.com/events/964795370279445/

12507159_455817907940936_791471415277178459_n.jpg

Charra: “De la tradición xugada a la soberanía deportiva”, con Carlos Suari

12466109_1015906861804841_8322714074621291427_o

Esti sábadu 9 de xineru a les 19 hores, nel Llar La Llegra (Cai El Postigu Baxu, 40 d’Uviéu) acoyemos una charra de Carlos Suari, llicenciáu en ciencies del deporte y autor del ‘Atles de los Bolos Asturianos’ col títulu “De la tradición xugada a la soberanía deportiva”.

Filándolo col conceptu de soberanía deportiva, facemos inventariu y reconocencia de la tradición xugada, analizamos el so estáu y diagnosticamos la so evolución. Entrugámonos, a fin de cuentes, cuálu ye’l papel del xuegu/deporte tradicional na Asturies de güei y de mañana.

Una charra y un alderique prestosu pa entamar l’añu mirando por una de les espresiones culturales más afitaes nel país: nunos casos en desaniciu, n’otros en recuperación y n’otros munchos con vitalidá y vixencia anguaño.

https://www.facebook.com/events/431801463671571/

12552756_1021726271222900_6970600469080469131_n