Esti xueves a les 18:00 vamos recibir en La Llegra la visita d’unes compañeres alemanes que lleven varios díes conociendo la realidá del nuestru país, pero esta vez van ser elles les que nos cuenten algo: van falanos sobre’l movimientu antifascista n’Alemaña, la problemática de la inmigración/refuxaos y los grupos radicales.
Como tienen una axenda apretada, entamamos a les 18:00 puntuales, vénonos!
https://www.facebook.com/events/1641092076133067/
Yá ta cerca un nuevu 8 de setiembre, fecha na que dende la Izquierda Soberanista avézase a entamar actividaes alternatives, tanto en formes como en discursu, a les oficiales organizaes pol gobiernu. Ye por ello qu’un añu más vamos decidir ya diseñar, ente toos y toes, qué, ónde, y cómo afrontaremos esti añu la fecha.
¿Tienes suxerencies, idees, propuestes…? El miércoles 26 a les 19:30 hores, convócase un conceyu abiertu a la participación de toes y toos, nel Llar La Llegra (Cai El Postigu Baxu, 40), pa entamar a dá-y forma.
¡Garra la pallabra!
https://www.facebook.com/events/306619739462307/
Conceyu abiertu por un 8-S popular
Diverses persones a títulu individual y organizaciones aconceyaron el miércoles 26 col envís de valorar distintes idees pa un 8 Setiembre popular, qu’apurra reivindicación y actividaes alternatives en formes y discursu a los actos oficiales qu’añu a añu entamen dende les instituciones.
Tres l’alderique, alcuérdase convocar concentración + xinta popular y actividaes llúdiques n’Uviéu.
La concentración, na llinia discursiva de la movilización del añu anterior, y col llema #LluchandoPolaSoberanía, entamaríase haza les 12:30 nel Paséu Los Álamos d’Uviéu pa posteriormente desendolcar una xornada de xermandía na Plaza’l Paragües, con actividaes como xinta popular, xuegos tradicionales, música, etc.
Repártense les xeres necesaries pa echar alantre lo alcordao y siguir desarrollando’l so conteníu.
Nuevu conceyu abiertu’l miércoles 2 a les 19:30 nel Llar La Llegra.
Esti sábadu, a les 16.30h en Xixón, manifestación antitaurina. Améstate cola to asturiana al bloque soberanista na movilización entamada por ANADEL!
Entendemos qu’ante esti tipu d’eventos, ónde la colonización yá nin tan siquiera se disimula de buenes maneres, sinón que se presenta amosando’l so máximu esponente de barbarie y crueldá escontra unos animales indefensos, ye precisu contestar como pueblu: nun queremos tauromaquia n’Asturies, nin equí nin nenyuri; nun vamos ser complices de la barbarie.
Nin n’Asturies nin nenyuri!
Nin imposición cultural nin tortura animal!
#AsturiesAntitaurina
#LluchandoPolaSoberanía
https://www.facebook.com/events/152491895085731/
Opcion vegana, xuegos tradicionales, música del país, baille, alderique y folixa, ¡muncha folixa! ¡Diremos anovando l’eventu p’apurrir más info!
https://www.facebook.com/events/859147857504126/
Espaciu La Llegra 