Monthly Archives: Febreru 2016

El vienres 26 de febreru a les 20:00 nel Llar La Llegra:

– Alderique/mesa redonda:
Sobre la insumisión n’Asturies de la mano de Gabriela M. Núñez Díaz (investigadora) y varies persones del colectivu insumisu.

– Proyección:
Documental “20 años desobedeciendo” el cual fai un recorríu pela hestoria reciente de las acciones antimilitares y la oxeción de conciencia del Kem-Moc de Bilbao.

– Esposición de cartelos:
Sobre la insumisión nos años 80 y 90 n’Asturies, recoyíos pola Fundación Juan Muñiz Zapico, sofitada pola Facultá de Filosofía y Lletres de la Universidá de’Uviéu (van tar expuestos dende’l vienres 19 al sábadu 27)

12593981_1033555636706630_6757401582406966636_o.jpg

Antroxu Popular nel Llar La Llegra

12671617_1038461592882701_4394571276793440899_o.jpg

Esti sábadu, nel Llar La Llegra y coincidiendo col antroxu d’Uviéu entamamos una folixa na que va haber música, xuegos y pinchéu.

El Llar ye de toes: abrimos tolos vienres y sábados a les 18.30h y equí tienes disponible una biblioteca popular con seición de política, fanzines, lliteratura, deporte, cómics…

Avérate a entamar la nueche d’antroxu n’Uviéu pel Llar La Llegra…y#TitiriterosLlibertá!

 

https://www.facebook.com/events/918207844899705/

Proyeición: MORIR EN EL TARRONAL de Luis Felipe Capellín

12651243_1035447549850772_1735743976999618430_n

Asturies, un país, nel que, a lo llargo del últimu sieglu, la minería xugó un papel fundamental foi conocida, sobremanera, pola producción del carbón, y poles lluches heroiques de los trabayadores del sector.
Sicasí, tamién, les esplotaciones de mercuriu formen parte d’una hestoria enllena d’accidentes, d’enfermedá y de muerte, y, qu’a día de güei nun ye abondo conocida.
Morir en El Tarronal trata de ser un homenaxe a los mineros del mercuriu qu’intentando construyir suaños y esperances acabaron atopando dolor y muerte.

 

https://www.facebook.com/events/332880116835732/

http://memoriaindustrial.blogspot.com.es/2016/01/el-tarronal-la-pequena-chernobyl.html

Gijón Fabril nun pieslla, Asturies nun ta en venta

GET YOUR TICKETS BEFORE THEY SELL OUT! (2).png

“Gijón Fabril nun se pieslla”, ye la frase d’esti mes.

Ta na cai, nos cartelos, pegatines y pintaes y nes mentes de munches asturianes preocupaes pol futuru de les suyes y pol d’elles mesmes. ¿Y cómo nun vamos tar preocupaes?

L’alministrador concursal vese sorprendíu al ver que la fábrica na que tien de certificar el pieslle furrula perfectamente ensin falta de director, que yá garró les maletes pa nun volver a Asturies (si ye que dalguna vez lo tuviere), asegurando, eso sí, que marcha cola producción del so principal sociu en Fabril Gijón, Verallia, de quienes recibe la principal carga de trabayu y a quienes al mesmu tiempu paga l’alquiler polos terrenos de la fábrica.

Casi 50 trabayadores mantienen col so trabayu la fábrica, sólo necesiten trabayu que facer, que la fábrica de Verallia asitiada n’Avilés-yos encargue la obra. ¿Pa qué val el gobiernu d’Asturies? Dan subvenciones y facilidaes a los empresarios pa venir y instalase n’Asturies, ¿y cuando marchen, quien sofita y da facilidaes a les trabayadores? Hai quien pide la mediación del gobiernu pa traer otru empresariu interesáu na fábrica, ¿pa volver a tar asina cuando-y dexe d’interesar la producción asturiana?

Yá valió de pidir migayes, queremos el nuestru pan. Nun queremos siguir sumando mes a mes consignes nueves. Que “Gijón Fabril nun se pieslla” ponga’l puntu y aparte a les reivindicaciones de les trabayadores de seguridá nel Hospital San Agustín, de les trabayadores d’El Árbol, del Mataderu Central d’Asturies, d’Imasa-Modultec y de tantes otres, poner fin a la resistencia y sentar les bases de la victoria.

Desiximos la mediación del Gobiernu d’Asturies, reclamamos a la Xunta Xeneral la única verdadera ayuda a les trabayadores de Gijón Fabril:
– Desixir a Verallia l’encargu de trabayu a la planta xixonesa.
– Compra de la maquinaria y cesión a l’asamblea de trabayadores de Gijón Fabril.
Desiximos el sofitu real a quienes lu necesiten, a quienes sufren la progresiva desindustrialización d’Asturies, necesitamos fábriques, non patrones.

Pol fin de los engaños patronales, tol poder a les trabayadores.

ASTURIES NUN TA EN VENTA#LluchandoPolaSoberanía

Vémonos mañana con Asamblea trabajadores Gijón Fabril na manifestación “Gijón Fabril nun pieslla” xueves 4 de febreru
17:00 Gijón Fabril, Porceyo
19:00 Plaza L’Umedal, Xixón
20:00 Plaza l’ayuntamientu, Xixón
[eventu: https://www.facebook.com/events/1687252681524712/]