Charra CSA Can Vies

Al traviés d’esta charra vamos algamar una visión más cercana sobro los 17 años que tuvo en pie esti titán, el Centru Social Autoxestionáu de Can Vies, asitiáu en Barcelona. El que foi l’edificiu’l pueblu, con una vida llarga, al entamu vinculada cola llucha les trabayaores y más tarde cola llucha y la resistencia vecinal.

Vamos poder escuchar de la mano de miembros de la Plataforma de suport del propiu CSA, la necesidá d’un espaciu nel que desendolcar les propuestes del pueblu, la cadarma d’esti espaciu y lo que supunxo pa la ciudá. Tamién van desplicanos cómo foi la llucha escontra dalgunes empreses colos dientes muy llargos, y el posicionamientu y l’actuación de Convergència Democràtica de Catalunya.

Nun te pierdas esta oportunidá de deprender sobro la resistencia d’un pueblu y la reivindicación por espacios propios llibres.

Skontra presenta ‘Foguera’ en La Llegra

El 25 de xunetu Skontra entama la xira del so cuartu trabayu ‘Foguera’. Pero enantes van pasar pel Espaciu La Llegra pa presentánoslo “na intimidá”.

Van falar del discu, tocar n’acústicu, vamos pinchalo, ponelo a la venta y facer un poquiñín de folixa xunto a esta banda veterana de punk-folk.

Vémonos el 23 a les 20.00 en La Llegra! Fueu!!

_______________________________
‘Foguera’ ye un cantu a la resistencia, una llamada a que les batalles se pueden ganar, un reconocimientu a quienes lluchen. Grabao nos estudios ACME d’Avilés cola producción de Miguel Herrero, musicalmente ta cuidao al detalle, con once cantares –más dos bonus track- que son como’l fueu cuando s’aviva; van de menos a más intensidá pasando pel punk, folk, rock y reggae que guía a esta banda a lo llargo los sos quince años de camín.

https://www.facebook.com/events/792622470855629/