Monthly Archives: Marzu 2014

WHORE’S GLORY, Proyeición / Cine-forum

1794514_671875536207977_2000638378_nWhore’s glory ye un trípticu cinematográficu sobre prostitución: trés países, trés cultures, trés llingües, trés relixones. En Tailandia, les muyeres esperen a los clientes tres de paneles de cristal, mirando pal so propiu reflexu. En Bangladess, los homes van a un guetu d’amor pa satisfacer los sol deseyos incompletos con moces a les que paguen. Y en México, les muyeres recen a la santa muerte pa evitar enfrentar la la so propia realidá.

Tol mundu cree que sabe dalgo sobre prostitución, sobremanera cuando nunca nun tuvieron nun burdel, cuando namás saben d’ello al traviés de los medios de comunicación o por información de segunda mano.

Pallabres del direutor:

“Nun dexé nada fuera intencionadamente porque me paeciere malo, pero tampoco nun pretendría esplorar la prostitución na so forma criminal. Si llegues pensando que la prostitución ye un crimen, vas topar crimen. Si vas pensando que ye daqué glamuroso y guapo, vas topar glamur y guapura. Si pienses que ye namás sexu, namás vas topar sexu. Pero si vas con eses preconcepciones, les trabayadores nun van conectar contigo. Namás vas falar daveres contigo cuando-yos paeza que de verdá tas interesáu no qu’esto ye. Tuve que poner les mios preconcepciones a un llau. Whore’s glory abre un espaciu onde les muyeres pueden falar, pero esi espaciu sigue siendo la mio perspectiva. Paezme evidente qu’esti filme ta fechu por un home, un home que mira a les trabayadores y tenta d’entender como ye facer el so trabayu día tres día”.

https://www.facebook.com/events/550028621778690/?ref=22

Folixa Presentación d’Alderiques d’Asturies en La Llegra

1912151_668221199906744_1038056450_nL’Espaciu La Llegra acueye esti vienres 21 de marzu a les 20h. nel Csoa La Madreña la presentación d’Alderiques d’Asturies, un formatu cuidáu, de calidá, críticu y n’asturianu nel que ver y conocer estremaes realidaes y puntos de vista sobro temes d’importancia pal nuesu país desendolcáu por Iniciativa pol Asturianu, Conocer Asturies ya InfoAsturies.

Con una imaxe corporativa mui depurada y profesional, el programa conducíu por Samuel Asturies ye yá un referente nos medios alternativos d’información n’Asturies, perespecialmente pa espacios de la esquierda soberanista como ye’l propiu Espaciu La Llegra. Na presentación d’Uviéu vamos poder sentir a les persones responsables del proyeutu y proyeutar dellos documentos yá asoleyaos por Alderiques d’Asturies.

Pa poner el pieslle al actu y dar entamu a la folixa va haber una espicha autoxestionada ¡toos y toes traemos daqué pa compartir na midida de lo posible! con música prestoso y, pa finar, va dexase un micru abiertu pa esparder versos que ximielguen concencies en forma de Timba Poétika Abierta.

https://www.facebook.com/events/409364489198846/?ref=22