La Llegra

¿Qué ye La Llegra?

llegra, la: sust. Ferramienta [con una cuchiella nun cabu que s’emplega pa facer madreñes]

La Llegra ye un espaciu autoxestionáu nacíu nel CSOA La Madreña d’Uviéu que tien por enfotu’l convertise nun llugar de referencia pal alderique dientro de la esquierda soberanista asturiana.

Ñaz tres de dellos conceyos nos que se valoró la importancia d’atopar un sitiu nel que visibilizar l’actividá de la esquierda nacionalista y, qu’al tiempu, valiere como espaciu xenerador d’idées y propuestes nueves como consecuencia de la interaición ente persones y coleutivos de la esquierda asturiana y los movimientos sociales qu’ellí participen.

L’Espaciu La Llegra ye un proyeutu llibre y asambleariu, abiertu a la participación de persones y organizaciones polítiques y sociales arreyaes a la cultura, la llingua y l’asturianismu d’esquierda ,que vien a sumase a la montonera d’actividaes y talleres permanentes del CSOA La Madreña, centru social qu’ocupa les antigües dependencies de la Conseyería de Sanidá, y que dende hai más de dos años vien lluchando escontra la corrupción y la política urbanística de los gobiernos asturianu y uvieín y, al tiempu, ufriendo un espaciu lliberáu pa la creación cultural, el debate políticu y l’activismu militante.

La Llegra surde como espaciu d’usu llibre y descentralizáu pa toa triba de coleutivos y persones. Un sitiu nel qu’atopar materiales d’estremaes organizaciones y organizar charres, conceyos, proyeiciones, actividaes culturales, alderiques, presentaciones…

Desagospiáu y disueltu’l CSOA La Madreña, La Llegra sigue alantre esta vez dende un nuevu espaciu.

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Camudar )

Google photo

You are commenting using your Google account. Log Out /  Camudar )

Twitter picture

You are commenting using your Twitter account. Log Out /  Camudar )

Facebook photo

You are commenting using your Facebook account. Log Out /  Camudar )

Connecting to %s