Monthly Archives: Febreru 2014

Pelicula CENIZAS DEL CIELO + Chigre Abiertu, Cine-fórum

Esti vienres finamos el ciclu #SoberaníaEnerxética con una película que retrata’l problema de les centrales térmiques, con un casu mui cercanu.

N’acabando la película tenemos tiempu a tomar daqué y comentar la película.
Cenizas del Cielo.

Ferguson, un escocés aventureru y escritor de guíes turístiques, visita Asturies pa completar la so última publicación. L’autocaravana que conduz déxalu tiráu cerca d’una central térmica. Obligáu a quedar ellí, entama amistá con Federico, un paisanu que cree que gracies al compromisu de Kyoto va pesllar la central que contamina’l valle.
Federico va amosa-y la vida del paisanaxe que vive nesi microcosmos amenazáu: Cristina, una muyer con dos fíos; una pareya que piensa que nun puede tener fíos por culpa la central; un mineru prexubiláu obsesionáu col golf, y un pescador que pesca de too menos peces. Pocu a pocu, Ferguson va implicase na llucha de Federico escontra la central térmica.

https://www.facebook.com/events/267010920126453/?ref=22

Charra “#SoberaníaEnerxética n’Asturies”

1655854_652842461444618_241021923_n

L’Espaciu La Llegra organiza nel Csoa La Madreña esti sábadu 22 de febreru a les 19h. una charra colos ponentes:

– Palomba García, que va falanos del contestu enerxéticu d’Asturies anguaño.

– Iván Huerga Antuña, que va comentar la llucha escontra la llínia d’Alta Tensión Soto-Penagos.

– Paco Ramos, que nos va esplicar l’actividá de la cooperativa enerxéticaSom Energia. ¡Y anímanos a llevar les factures de la lluz de dellos meses pa facer un “esperimentu” bien pedagóxicu sobre cómo nos tán robando les grandes empreses que xorrecieron al calor de la privatización del seutor enerxéticu.

Llueu vamos tener el chigre abiertu pa siguir col alderique.

Dicía’l cantar que “hai una lluz n’Asturies qu’alluma a España entera”…y qué razón tinía. ¿Paraísu natural? ¿Producimos más de lo que consumimos y pagámoslo como si fuéremos importadores a empreses privaes qu’estrocen el nuesu país? ¿Daquién ta plantegando alternatives de reducción de consumu?

Toes estes coses y munches más, el día 22 nel primer ciclu de charres de La Llegra, nuevu espaciu de la esquierda soberanista n’Uviéu.

¡Acudi y espárdilo!
https://www.facebook.com/events/134094463427521/?ref=22

Fala Palomba García sobre'l contestu enerxéricu nacional d'Asturies.
Fala Palomba García sobre’l contestu enerxéricu nacional d’Asturies.

Inauguración del espaciu La Llegra nel CSOA La Madreña

Sábadu de folixa y autoxestión n’Uviéu: A les 19.30 presentamos nel Csoa La Madreña l’ Espaciu La Llegra, un sitiu d’alcuentru pal soberanismu asturianu y la so programación pa tol mes.

¡Trai daqué pa compartir y sofita la espicha folixera autoxestionada! Vamos tener bon ambiente con bébora del país como la Cerveza Caleya, productu artesanal qu’etiqueta n’asturianu.

Y si hai ganes de más folixa, recordái que Dixebra, una de les bandes que más vienen lluchando por esta tierra dende l’activismu musical presenten el so últimu discu na ciudá a les 23h na sala whippoorwill!

FOLIXA SÍ. LLUCHA TAMIÉN!!
1902956_651367381592126_985078786_n1795642_647121142016750_872549643_n

La Llegra na RPA

Na RPA (Radio Pública Asturiana) dos compañeres que participen nel Espaciu La Llegra del Csoa La Madreña van tar falando en direuto sobre esti nuevu espaciu d’alcuentru de la esquierda soberanista.

Yá ta disponible l’audio pa sentir el ratín que tuvieron dos compañeres xunto con Naciu Varillas presentando-y La Llegra, nel so programa Naguando na RPA.

http://m.ivoox.com/intervencion-naguar-rpa-companeres-la-audios-mp3_rf_2823872_1.html