Proyeición: SIEMPRE GUERRILLERO. Felipe Matarranz. ( Capitán Llobu )

Felipe Matarranz (conocíu como capitán Llobu) foi un destacáu guerrilleru que tres la incivil guerra nel estau español siguió lluchando nos montes de los Picos d’Europa, ente Asturies y Cantabria, formando parte de la Brigada Machado..

A puntu de cumplir 98 años cunta, equí, dalguna de les sos alcordances que comparte con vecinos del pueblu de La Borbolla, en Llanes, qu’espliquen, nesti curtiu-documental,
cómo víen na so infancia a “los emboscaos”, a los del monte, a los guerrilleros a quien va dirixíu esti pequenu homenaxe…

https://www.facebook.com/events/914280242001572/

Presentación Abellugu, N´Asturies suena otru camín

Abellugate
Tamos entamando un procesu p’abellugar xente que quiera lluchar por Asturies. Nun somos un partíu políticu, nin una coalición d’ellos. Aniciamos Abellugu pa recuperar Asturies pa los asturianos, dende’l Pueblu y pal Pueblu.
Tenemos una fueya en blancu y queremos enllenada de milenta propuestes contigu.

www.abellugu.org

https://www.facebook.com/events/964795370279445/

12507159_455817907940936_791471415277178459_n.jpg

Charra: “De la tradición xugada a la soberanía deportiva”, con Carlos Suari

12466109_1015906861804841_8322714074621291427_o

Esti sábadu 9 de xineru a les 19 hores, nel Llar La Llegra (Cai El Postigu Baxu, 40 d’Uviéu) acoyemos una charra de Carlos Suari, llicenciáu en ciencies del deporte y autor del ‘Atles de los Bolos Asturianos’ col títulu “De la tradición xugada a la soberanía deportiva”.

Filándolo col conceptu de soberanía deportiva, facemos inventariu y reconocencia de la tradición xugada, analizamos el so estáu y diagnosticamos la so evolución. Entrugámonos, a fin de cuentes, cuálu ye’l papel del xuegu/deporte tradicional na Asturies de güei y de mañana.

Una charra y un alderique prestosu pa entamar l’añu mirando por una de les espresiones culturales más afitaes nel país: nunos casos en desaniciu, n’otros en recuperación y n’otros munchos con vitalidá y vixencia anguaño.

https://www.facebook.com/events/431801463671571/

12552756_1021726271222900_6970600469080469131_n

Wikialcuentru

El llunes 21 d’avientu, a les 19.30h, CHARRA sobre los proyeutos Wikimedia con Víctor Suárez (alministrador de la Wikipedia n’asturianu) y TALLER d’edición de conteníos. ¡Avérate!

12362998_1002757939786400_5049927979286028885_o.jpg

Un WikiAlcuentru ye una actividá organizada por miembros de la comunidá d’usuarios al envís de dar a conocer los proyeutos Wikimedia. D’esta miente sirve d’introducción p’aquellos asistentes que tovía nun tean avezaos al so funcionamientu.

Nel Espaciu La Llegra queremos averanos a esti proyeutu de conocimientu llibre y de manes de Víctor Suárez, editor de Wikipedia n’asturianu, vamos deprender a xubir semeyes y crear o meyorar artículos, asina como a remanar los estremaos proyeutos Wikimedia. Poro, ye perimportante aportar medios que nos permitan desendolcar dicha xera pola falta de wifi y portátiles nel llocal. D’otra banda, si quies compartir les tos imáxenes, nun duldes en trayeles y lliberar el so usu.

Cuándo

Llunes 21 d’avientu de 2015 a les 19.30 hores

Ónde

Espaciu La Llegra // Cai El Postigu Baxu, 40. Uviéu.

Organizadores

Víctor Suárez, miembru de Wikimedia España y alministrador de Wikipedia n’asturianu.

https://www.facebook.com/events/895364833912494/

1005548_1009962025732658_784379648286351408_n

 

Grabación d’alderique radiofónicu [Alderiques d’Asturies]

Güei dende les 19:00, grabación d’alderique radiofónicu sobre les eleiciones estatales y el papel d’Asturies. L’asistencia ye llibre, y como tolos vienres, abrimos el chigre!

12366288_1004312172964310_8245854873131563608_n

El próximu vienres 11 d’avientu a les 19:00 Alderiques d’Asturies graba nel Llar La Llegra un nuevu alderique radiofónicu, nesti casu rellacionáu coles próximes eleiciones estatales y el papel que xuega Asturies nelles.

Nel mesmu van participar militantes d’estremaes organizaciones de la izquierda asturiana, p’apurrir distintos puntos de vista sobre ún de los temes de más rellevancia mediática anguaño.

L’alderique tará abiertu a l’asistencia de tol mundu, abriéndose’l micru pa la intervención de toes aquelles persones que quieran opinar al respective de les cuestiones que se planteguen.

Alderiques d’Asturies Radio esparde los sos programes non solo al traviés d’internet, sinon tamién nun garrapiellu de radios comunitaries y conceyiles d’Asturies.

¡Nun te lo pierdas!

GRABACIÓN: http://www.ivoox.com/eleiciones-2015-dende-izquierda-aalderiquesdast-ala-llegra-audios-mp3_rf_9726073_1.html

[Charra] Marxismu y cuestión nacional nos años 30. Con Tino Brugos.

12291181_1000662016662659_2731083054513459869_o.jpg

Esti Xueves 10 d’avientu, dende les 19.30h, cuntamos con Tino Brugos pa facer un repás sobre la posición de les organizaciones de la izquierda revolucionaria nos años 30 no tocante al análisis de la cuestión nacional nel contestu estatal.

Nun momentu nel que dende estremaos llugares y posiciones se ta falando d’entamar procesos constituyentes resulta interesante echar la mirada atrás y aldericar qué postures se defendíen n’aquella dómina y qué queda anguaño d’aquellos discursos nel debate políticu.

https://www.facebook.com/events/1044328705618885/

El CLAS, l’equipu d’Asturies, el suañu de la so afición.

12072571_989067507822110_3709321272658778418_n

Nos años 90 n’Asturies vivióse un auténticu fenómenu deportivu, el CLAS, con Tony Rominger a la cabeza, yera protagonista nes grandes carreres y l’afición asturiana echábase a les cunetes p’animar al so equipu.

Sergio Fuente y Daniel Cabrero faen en “El CLAS. El equipo de Asturias, el sueño de su afición” un bayurosu trabayu reconstruyendo la historia d’un equipu que, dende los sos anicios como actividá estraescolar pa los fíos de los emplegaos na Central Lechera hasta’l so final na fusión cola escuadra italiana Mapei tres de convertise nun referente del ciclismu mundial nos años encabezaos por Tony Rominger, supusó un auténticu fenómenu social y deportivu na sociedá asturiana.

Vamos cuntar na presentación con Daniel Cabrero y otros convidaos qu’anunciaremos nos díes vinientes.

Martes 24 a les 18:00 nel Llar La Llegra (Postigu Baxu 40, Uviéu)

Como añadíu a esti día, sin vinculación col Espaciu La Llegra, proyéctase a les 20:00 nel Teatru Filármónica d’Uviéu el documental de Daniel Cabrero “Naranco 93′”, reconstruyendo una etapa histórica de la Vuelta a España con final n’El Naranco uvieín.

 

Esta tarde vamos contar na presentación de “El CLAS, el equipo de Asturias, el sueño de su afición” con:

– Daniel Cabrero, coautor del llibru y director de Naranco 93′.
– Celso Fernández, presidente del Club Ciclista Colloto.
– Xurde Llano, ex-ciclista y técnicu del Club Ciclista Colloto.

Xuntu con toes vosotres vamos comentar la historia del equipu, d’actividá pa los fíos de la fábrica a equipu reconocíu internacionalmente, y lo que significó pa toa una xeneración d’aficionaes y ciclistes.

Grabación: http://www.ivoox.com/charra-el-clas-l-equipu-d-asturies-suanu-de-audios-mp3_rf_9623735_1.html

https://www.facebook.com/events/852673091496944/