Category Archives: Uncategorized

ru fútbol ye posible: comunidá, pasión y cultura popular.

12247001_989603357768525_2621220152558426946_n.jpg

Esti vienres 20 de payares a les 19h cuntamos con Iñigo Arza pa falar de fútbol dende un puntu de vista cultural, sociopolíticu y en clave comunitaria.

Nuna ciudá como Uviéu, na que’l fútbol tuvo una capacidá de movilización popular perimportante nos últimos años y nun país como Asturies, de fonda tradición futbolística, toca averanos a esta realidá dende un puntu de vista distintu al que nos llega dende los medios de comunicación y cabeceres deportives de mases.

Tai sollertes! D’equí pa poco más info.

https://www.facebook.com/events/579182552231579/

AUDIO gracies a Radio QK: https://archive.org/details/futbolposible

 

 

 

Charra-alderique Derechos Humanos y Conflictu armáu en Colombia

12239919_989845887744272_8720336008240376108_n

https://www.facebook.com/events/1061947233815579/

NUEVA FECHA

Como vos diximos volvemos a convidavos a la charra que tuvimos que cancelar sobre derechos humanos y conflictu armáu en Colombia. La nueva cita coles colombianes exiliaes será esti miércoles a les 19.30h y contaremos colos testimonios de:

Mayerli Garzón Mora, 23 años, abogada, defensora de los derechos humanos, integrante del Colectivo Soberanía y Naturaleza y de la Coordinadora Nacional Minero-Energética en Bogotá. Forma parte del Congreso de los Pueblos, con esperiencia na defensa xurídica de les víctimes de les empreses mineres. Ta amenazada de muerte polos grupos paramilitares.

Gustavo Pedraza Salcedo, 37 años, integrante d’un equipu d’educación popular, defensor de los derechos humanos, hermanu del dirixente del Congreso de los Pueblos, Carlos Pedraza Salcedo, desapaecíu y aesináu el 19 de xineru de 2015 en Bogotá. Por desixir investigación y sanción de los culpables del asesinatu del so hermanu vien siendo víctima de siguimientos, atafagamientos y amenaces de muerte.

Miércoles 18 a les 19:30 nel Llar La Llegra (El Postigu Baxu 40, Uviéu)

 

Güei visitannos Maye y Gustavo, persones amenazaes de muerte pol so trabayu de defensa y promoción de los derechos humanos na so tierra, Colombia.
Van cuntanos les sos esperiencies de llucha (medio ambiente, minería y educación), la represión sufrida que-yos trae al exiliu y les alternatives de poder popular nes que trabayen como integrantes del proyeutu ‘Congreso de los pueblos’

Debate “Mujeres, violencies y resistencies” [Plataforma Feminista d’Asturies]

Güei llunes haza les 21-21.30 h vamos acoyer el debate-tortiella ” “Mujeres, violencias y resistencias” qu’organicen les compañeres de laPlataforma Feminista d’Asturies dempués de la proyección del documental “Tomaremos las calles, mujeres en lucha” nel Teatru Filarmónica a les 20.00

 

12244542_989842881077906_766218403676498145_o

Actividaes Payares

Nos prósimos díes tenemos bien d’actividá nel llar, comparti y avérate!

– Güei llunes haza les 21-21.30 h vamos acoyer el debate-tortiella ” “Mujeres, violencias y resistencias” qu’organicen les compañeres de laPlataforma Feminista d’Asturies dempués de la proyección del documental “Tomaremos las calles, mujeres en lucha” nel Teatru Filarmónica a les 20.00

– El miércoles 19 a les 19:30
“Charra-alderique Derechos Humanos y Conflictu armáu en Colombia”https://www.facebook.com/events/1061947233815579/

– El vienres 20 a les 19:00
“Otru fútbol ye posible: comunidá, pasión y cultura popular”
https://www.facebook.com/events/579182552231579/

– El martes 24 a les 18:00
“El CLAS, l’equipu d’Asturies, el suañu de la so afición.”
https://www.facebook.com/events/852673091496944/

12238118_989481831114011_616305456902356868_o.jpg

Guerrillero Quintana [Ciclu Cine con Luis Felipe Capellín]

Cola proyección de “Guerrillero Quintana” entamamos un ciclu de cine nel que, con una película al mes, vamos conocer, revisar y comentar la obra de Luis Felipe Capellín, cuntando cola presencia del director. Luis Felipe Capellín, nacíu en Cangues pero xixonés dende neñu, tuvo una participación activa na llucha escontra la dictadura y tamién nos inicios del réximen del 78 con reponsabilidaes polítiques y sindicales. Aunque va unos años qu’abandonó la vida partidaria, nun dexó la llucha pola Xusticia Social, los Derechos Humanos y la Memoria, adientrándose nel mundu audiovisual col envís d’asoleyar tolo que los medios informativos silencien o manipulen.

“Guerrillero Quintana” (2013)
Adolfo Quintana Castañón (1922), “Quintana”, yera un mozu de Santa Cruz de Mieres que tuvo qu’echase al monte en 1947, convirtiéndose enseguida nun de los guerrilleros asturianos de mayor prestixu, siendo así que pa ver el so cadávere, que foi espuestu nel cementeriu de Santuyano, pasaron cientos de persones aun col miéu y la represión que se sofría d’aquella. Nesti documental recueyense opiniones d’una de les sos hermanes y el so cuñáu, amás d’otros familiares, vecinos y conocíos de la familia y testigos del día de la muerte del guerrilleru, así como la opinión de Gerardo Iglesias, autor del llibru “Por qué estorba la memoria”, dedicáu a los guerrilleros asturianos que tuvieron hasta 1952 escontra’l rexime franquista.

12238416_986644734731054_8931702192384169722_o

Nueche (y día) d’Ánimes

12186808_980747405320787_8448085898189398818_o.jpg

“Cuando nós yeremos vivos, andábemos a figos, agora que somos muertos, andamos per estos güertos”

17:30 Afuracando calabaces [cola collaboración de Reciella, families pol asturianu]

18:30 Charra “La nueche les ánimes na tradición asturiana” [por Alberto Álvarez Peña]

22:00 Rellatos “Nun voi ser quien a dormir” [vamos cuntar hestories ente toes, ¿sabes alguna?]

 

https://www.facebook.com/events/1486734191629574/

Bloque soberanista na movilización escontra los Premios Princesa

principes2

Vuelve a Asturies el circu monárquicu, y failo como siempre: convirtiendo Uviéu nun estáu policial, desplegando cobertories mediátiques perimportantes, y cualquier otru tipu d’aición propagandística que garantice un eventu cuyu principal enfotu ye llavar la cara d’una monarquía española que sigue perdiendo apoyu y ganando desprestixu.

Dende la Izquierda Soberanista entendemos qu’esta reivindicación tien de ser, -amás de republicana dende la perspectiva del refugu xeneral a cualquier institución monárquica pol so papel impune y antidemocráticu-, asitiada na realidá d’Asturies: esti país xuega un papel destacáu pa la monarquía española, al atopanos dende va sieglos somorguiaos a la denomación institucional de “Principado”. Ésta nun ye otra qu’una institución arcaica y feudal creada en 1388 como consecuencia de les derrotes militares tres delles rebeliones asturianes escontra Castiella, polo que frente a la visión “honorífica” d’esta institución que mos quieren treslladar dende’l poder, alcontramos la realidá: una figura institucional que simboliza la sumisión d’Asturies, y que ye imprescindible pa la propia esistencia del modelu monárquicu.

Poro, el nuesu enfotu nun ye namái oponenos a estes cuestiones, sinon esparder l’alternativa tresformadora y sollerte a los intereses soberanos del pueblu asturianu: la República Asturiana. Porque hai alternativa a la sumisión política y económica total na que s’alcuentra Asturies; a l’aculturización que carecemos y que va implícita na propia naturaleza del proyeutu nacional español; y por supuestu, a la represión, les desigualdaes sociales, o la falta de trabayu y futuru dignu, que sufren les clases populares asturianes.

A fin de cuentes, vemos tanto los Premios Princesa como la monarquía española y les sos instituciones impuestes n’Asturies, como un frente más nel que siguir treslladando la necesidá de soberanía, de poder popular, como ferramienta y camín pa tresformar el nuesu país, cuntando col internacionalismu y la solidaridá de clase, pero ensin dexar de llau tampoco una praxis qu’atienda a la realidá específica d’esti país.

Los Premios Princesa y el “Principado” son una humildación pal nuesu pueblu, una humildación impuesta y financiada con dineru públicu, cola que’l pueblu asturianu tien qu’acabar. Asina lo entendimos siempre dende la izquierda soberanista asturiana, como amuesen les movilizaciones pioneres nel nuesu país escontra los Premios Príncipe entamaes pol Ensame República Asturiana años atrás Por too ello, llamamos a la participación nel bloque soberanista que va conformase na concentración del día 23 d’ochobre, escontra la monarquía y pola República Asturiana.

REPÚBLICA ASTURIANA
@[null:@[null:#LLUCHANDOPOLASOBERANÍA]]

https://www.facebook.com/events/919841761429826/

[Darréu] http://mocedarevolucionario.blogspot.com.es/2015/10/la-moceda-escontral-circu-borbonicu.html

[XEA] https://www.facebook.com/permalink.php?story_fbid=1641883912743505&id=1398446437087255